close
Blogtrottr
MSN 新聞 - 社會新聞
MSN 新聞 - 社會新聞 
Looking for something light while keeping you safe and comfortable during extended waterside activities?

Shop New Drainmaker Shoe for Men, Women and Kids at Columbia!
From our sponsors
6【台文話藝】阮兜
Jul 11th 2014, 04:42

文 / Lâu Sêng-hiân (劉承賢) 若講著阮兜ia̍h恁兜,m̄知逐家ē先想著啥?若照平素時仔teh講話來想,咱檢采ē講:「阮兜tī三重埔,攏總有三个房間。」Mā凡勢ē講:「阮兜有四个人,感情真好。」準備演講ê時,我有斟酌kā想,發現平平是講做「阮兜」,m̄-koh意思suah無啥仝- -neh,後- -來,老師kā我thok頭,講:「阮兜tsit个詞,確實是有兩个意思!一个,是teh講實際ê厝宅,咱徛起ê所在;koh一个,是teh講厝- -裡ê人kap互相之間ê關係。」Ah!Án-ne我tsiah真正了解!若beh講阮兜,m̄若ài講看ē著ê厝,mā

ài講著爸母兄弟姊妹tsia-ê厝- -裡ê親人。 阮兜是一間公寓(kong-gū),是樓仔厝ê五樓,聽阮阿爸講tse厝起真久- -ah,已經有二十外冬,大樓ê外口舊相舊相(kū-siùnn),連thài-luh mā開始teh落(lak),我有當時仔ē欣羨同學in兜蹛tī新起ê大樓內底,看起來ke真pâi-tsí,m̄-koh,阿母kā我講,雖然厝ē ná來ná舊,m̄-koh樓頂樓跤厝邊隔壁ê感情,suah親像kik酒hit一樣,是ná來ná好、ná來ná芳,阮阿爸mā講:「買厝買厝邊。」koh講:「若是換新厝,suah

tio̍h失去tsia-ê不三時ē tàu看頭看尾、sio放伴、tàu-sann-kāng ê好厝邊,按怎想to bē hô。」 M̄-tsiah阮真歡喜蹛tī tsit个自阿爸阿母少年,tsîng我出世就teh徛ê老厝,若是無tsit間有濟濟記持ê老厝,kap不時請阮食點心hit个樓頂ê阿姆,hām樓跤教阮功課ê哥哥,我拍算ē感覺阮兜有啥mih物件phàng-kiàn- -去,bē輸教室ê桌仔kuân低跤,搖- -leh搖- -leh,心lóng bē tiānn。 我kap咱大多數ê人仝款,有一个阿爸,一个阿母,阮阿爸是teh替人tshiânn-keh

ê師傅,若講著beh修理厝,伊有it-tó-it ê功夫!阮阿母mā bat去上班,m̄-koh tsîng阮妹妹出世了後,就辭頭路tī厝- -裡顧阮妹妹,huānn厝內ê khang-khuè,阮阿爸kā阮阿母講,tsit-má ê店面無像khah早ài維持自底ê模樣,khah ài無幾年就khà掉重做,koh加上景氣bái,店開bē久,頭家一下換,mā ē koh ài揣人重tshiânn-keh,生理算áu-bân-á,阿母無上班tī厝--裡,khah贏逐月日開一條tshiànn奶母ê所費。阮妹妹iáu細漢,拄ē-hiáu行路,無啥ē-hiáu講話,我有teh想講若阮妹妹khah大漢,ē-tàng陪我tshit-thô,阮兜tiānn-tio̍h

ē比tsit-má koh ke khah心適,mā ke khah鬧熱! 除了我頂kuân講- -ê,老師有kā我教講:阮兜tsit个詞,其實ē-tàng koh放khah闊來看,就親像用召鏡(tiàu-kiànn),kā一四khoo輾轉lóng kā看hōo近近近,若是án-ne,阮蹛ê大樓窮實(khîng-si̍t)mā是阮兜,阮厝- -裡ê人mā包括樓頂kap樓跤ê阿伯、阿姆、阿婆kap歇睏時仔hit陣做伙tshit-thô ê囡仔伴。我有kā老師講:án-ne,咱班mā是一个家,同學就親像兄弟姊妹。老師講我ē-hiáu

án-ne想真好,koh講規个台灣mā是咱兜,咱有兩千四百萬ê厝- -裡ê人。我感覺老師án-ne講真有局(ū-kio̍k),咱若án-ne想,就bē感覺家己tsiok孤單- -ah!因為我有tsiah濟人做伴! M̄管咱講- -ê,是頂kuân佗一款ê「阮兜」,我感覺若有疼koh有溫暖,lóng是我上kah意ê「阮兜」。照án-ne kā想- -起-來,你咱mā lóng是仝一間厝內ê親人- -neh!

本文作者為台語文研究與創作者。 本文為作者個人言論,不代表公共電視立場。

特色圖片:

看本篇文章出現亂碼?安裝Taigi字型吧! 1. 下載並安裝 Taigi Unicode 字型。 2. 使用

Firefox 或

Chrome 瀏覽器。

This entry passed through the Full-Text RSS service — if this is your content and you're reading it on someone else's site, please read the FAQ at fivefilters.org/content-only/faq.php#publishers.

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions
arrow
arrow
    全站熱搜
    創作者介紹
    創作者 iwuisj 的頭像
    iwuisj

    線上遊戲排行榜2013/2014,進擊的巨人線上看,candy crush saga外掛,正妹寫真三圍

    iwuisj 發表在 痞客邦 留言(0) 人氣()